When Pikin No Gree Chop Food: Wetin Parents Suppose Know
Read in: English | Pidgin English
🩺 Medically reviewed by licensed physicians with over 10 years of clinical experience
🔍 Quick Breakdown
Many children dey go through period where dem:
• dey reject certain foods
• prefer only few types of food
• complain about texture or even sef d smell of d food
Dis na common childhood issue for many families.
🟧 How e dey take start?
Sometimes toddler wey chop well before fit suddenly:
• begin refuse vegetables
• only want specific foods
• push plate away during meals
Some children fit also:
• dey fear to try new foods
• no like soft, crunchy, or mixed textures of d food
👉🏾 Appetite naturally dey change during childhood growth stages.
🟧 Why e dey happen?
•1. toddler independence
→ children begin choose wetin dem want or no want
•2. sensory sensitivity
→ texture, smell, or appearance fit bother some children
•3. stressful feeding environment
→ pressure and forcing fit make am hard for d pikin to chop
👉🏾 Sometimes constipation, illness, or pain for d mouth fit also reduce appetite for short period of time.
🟧 How you go know say e serious?
• pikin don dey lose weight
→ body no dey get enough nutrients to grow well
→ dis one fit affect d pikin energy, immunity, and normal development
→ e mean say d pikin fit dey weak and e go dey fall sick often
• pikin get problem to swallow or e chok wen e dey chop
→ feeding or medical problem fit involved
• d pikin only dey chop very few foods for long time
→ d pikin need professional check up
👉🏾 No be every picky eater get serious problem, but growth and nutrition still dey important to monitor.
🟧 Wetin you fit do by yourself or for house
• try not to force or shout too much wen d pikin dey chop (even if e no easy)
→ d pressure fit make am worse
• try get patient and continue to dey give different foods calmly
→ e fit help the help d pikin accept d food las las even if na small small
• e good to keep regular food routines
→ too many snacks/junk food fit reduce hunger for d main food later
👉🏾 Praise d pikin small efforts because many times e dey work better than punishment or bribing.
🟧 Real life example
Little Zayad suddenly stop to dey eat many different foods after d age of two.
D parents notice say:
• he only want bread and indomie
• he no dey touch d vegetables and some fruit wey dem give am
At first:
• Dem punish am, even beat am small join
• but Zayad still no gree chop.
• d family con panic say maybe na serious dey wrong
But after pediatric assessment:
• doctors explain say na picky eating and e dey common for small pikin
With calm routines and repeated food exposure (with professional help):
• Zayad begin dey try more foods small small over time again
👉🏾 Many picky eating phases improve slowly with patience and consistency.
🟧🩺 When you suppose go hospital 🚨
• Pikin dey lose weight
• severe dehydration or weakness
• swallowing problem or pikin dey choke many times wen e dey chop
👉🏾 Serious feeding problems fit sometimes affect nutrition and development.
🟢 Final reassurance
Picky eating fit dey very stressful for parents, but many children gradually outgrow dis phase.
E good to create calm positive foodtime experience for d pikin as e go help to build healthier eating habits as time dey go.
👉🏾 Patience and consistency usually dey help more than pressure and force o!.
📚 Reference
For full medical references, see English version of this article.
⚠️ Disclaimer
This article na for education only.
E no replace advice from doctor.
If symptoms serious or no go, abeg see healthcare professional.
🔗Related Health Topics
• Nutrition and Child Development
• Constipation
• Poor Growth for Pikin
• Anxiety in Children (common soon)
• Healthy Diet Basics
Explore more on children Health
👉🏾 If you still get questions or prefer full medical detail? Read English version