Pikin Wey Get Fever: When E Serious and When to Go Hospital
Read in: English | Pidgin
Fever for pikin dey common well well.
Most of the times, na small infection dey cause am, and e dey improve after a few days.
But sometimes e fit serious.
The important thing na to sabi when to worry.
When pikin get Fever, wetin e mean?
If the pikin body temperature wen you measure am with thermometer reach 38°C or more
na fever be that o.
Fever no be sickness by himself.
But na sign say body dey fight infection.
Wetin Fit Cause Fever for Pikin?
• Viral infection
• Malaria
• Ear infection
• Throat infection
• Chest infection
• Urine infection
Pikin sef fit get fever after vaccination.
When E No Too Serious
Fever fit no too serious if:
• the pikin still dey active, dey play, dey chop small small or e nor too tire
• the pikin dey drink water
• or the fever reduce after few days
Warning Signs – Go Hospital Fast!
Carry your pikin go hospital if:
• the pikin dey under 3 months and e get fever
• the pikin get seizure
• e hard to wake the pikin up from sleep
• e struggle to breath or e dey breath hard
• E vomit plenty
• the body weak well well
• the neck dey stiff
No focus only on temperature o!— look how the pikin dey behave.
If Pikin Get Seizure
Sometimes the pikin body fit dey shake when fever rise quickly.
E dey scary, but most times e nor dey last long and the pikin go recover
but still carry the pikin go hospital for check up.
How to Care for Pikin with fever for house
• Give am water or breast milk
• Let the pikin rest
• No overdress am
• Give paracetamol as doctor prescribe am
No give antibiotics without prescription o!.
Final Advice
Fever for pikin dey common.
But if follow serious signs follow, no delay to go hospital.
E better to check early than to wait o cos e fit cause serious wahala later.
Medical References
• World Health Organization – Child Fever Guidelines
• CDC – Fever in Children
• American Academy of Pediatrics
Medical Disclaimer
This article na for education purpose only. E no replace medical advice from qualified health professional. Always talk to doctor or trained health worker about your health concerns.